Балаларды ерте дамыту институтының ұйымдастыруымен «Ата-аналарды мектепке дейінгі тәрбие мен оқыту процесіне тартудың пәрменді практикасы» атты республикалық семинар-практикум өткізілді. Шара барысында Талдықорған қ. № 12 «Байтерек» бөбекжайының меңгерушісі Омарова Алмагүл Нұрахметқызы «Цифрлық ресурстарды қолдану арқылы отбасымен жұмысты тиімді ұйымдастыру» тақырыбында балабақша мен ата-аналар арасындағы бірлескен жұмыс тәжірибесімен бөлісті.
Орталық әдіскерлері «Stem-academia» ЖШС тарапынан ұйымдастырған ROQED бағдарламасы туралы түсіндірме жұмысына қатысты
Тәрбие процесін ұйымдастыруда сынып жетекшісінің белсенділігін арттыру мақсатында «Сыныптағы тәрбие жүйесі және сынып жетекшісінің рөлі» тақырыбында аймақтық вебинар өтті. Шара барысында сынып жетекшісінің тәрбие жұмысын ұйымдастыру формалары мен тәсілдері ұсынылды.
Мұғалімнің жоғары шығармашылық әлеуетін арттыруда педагогтерге әдістемелік бағыт беру, өзара тәжірибе алмасуына жағдай жасау мақсатында «Мұғалімнің жоғары шығармашылық әлеуеті негізінде білім сапасын жақсарту» тақырыбындағы аймақтық семинар – практикум өтті.
Мектепке дейінгі ұйымда ұйымдастырылған іс әрекетті жақсартуда балабақша педагогтеріне әдістемелік көмек көрсетілді.
Ақсу ауданы мектеп директорларына практикалық семинар ұйымдастырылды. Семинар барысында мектептің білім сапасын басқаруда басшылыққа алынатын нормативтік құқықтық құжаттардың маңыздылығы түсіндіріліп, мектепішілік бақылауды жоспарлауда әдістемелік көмек көрсетілді.
Талдықорған қаласының орта білім беру ұйымдарының педагогтеріне оқу-тәрбие процесін жақсартуда әдістемелік көмек көрсетілді.
Шетел тілі сабақтарында тілдік әрекеттерді ұйымдастыру ерекшеліктері бойынша педагогтерге әдістемелік бағыт беру, өзара тәжірибе алмасуына жағдай жасау мақсатында «Шетел тілі сабақтарында тілдік әрекеттерді ұйымдастыру ерекшеліктері» тақырыбындағы аймақтық семинар – практикум өтті.
Облыстық білім беруді дамыту оқу-әдістемелік орталығы «Білім» гуманитарлы-техникалық колледжімен бірлесіп «Цифрлық дәуіріндегі білім берудің ғаламдық болашағы» тақырыбында өңіраралық онлайн конференциясын өткізді. Аталған шараға Жамбыл, Алматы облысының техникалық және кәсіптік білім беру ұйымдарының оқытушылары қатысты.
«Үздік педагог-2021» атағының иегері З.Темірғали «Математика пәнінде білім алушылардың логикалық ойлау дағдыларын жетілдіру» тақырыбында облыстық тәжірибе тарату семинарын өткізді. Аталған шараға жалпы орта білім беру ұйымдарының математика пәні мұғалімдері қатысты
