Талдықорған қаласындағы №5 Ясли-бақшасы базасында қарым-қатынас бұзылысы бар балаларға сөйлеуді үйрету әдістерін қолдануда тәжірибе алмасу мақсатында «Jasper»-әдістемесі арқылы сөйлесуді үйрену: қарым-қатынас бұзылысы бар балаларға қалай көмектесуге болады» тақырыбында мектепке дейінгі ұйымның психологі, логопеді, арнайы педагогі мен тәрбиешілерге арналған семинар өтті.
Талдықорған қаласы, №27 орта мектеп – гимназиясы базасында «Өрлеу» БАҰО» АҚ филиалымен бірлескен TIMSS тапсырмаларын ұсыну арқылы оқушылардың функционалдық сауаттылығын дамыту мақсатында бастауыш сынып педагогтеріне «Математика бойынша TIMSS тест тапсырмаларының ерекшеліктері» тақырыбында оқыту семинары өтті.
Мектепке дейінгі ұйым педагогтерімен «Bilim Land» ЖШС Bilim Kids.kz-пен «Мектепке дейінгі білім беруді цифрландыру: жаңа мүмкіндіктер мен перспективалар» тақырыбында вебинар өтті.
Жетісу облысының әдістемелік орталығы BilimClass компаниясының мамандарымен бірлесіп, «Ауылдық аймақтардағы тірек мектептердің әлеуетін дамыту» жобасы аясында вебинар ұйымдастырды. Вебинарға тірек және шағын жинақты мектеп педагогтері, сондай-ақ «Цифрлық мұғалім» жобасына тартылған мұғалімдер қатысты. Іс-шара барысында BilimClass платформасында онлайн сабақ өткізу әдістері мен мүмкіндіктері қарастырылды.
Озық тәжірибелер арқылы педагогтердің пәндік құзыретін арттыру және тәжірибе алмасу мақсатында Талдықорған қаласындағы «Білім-Инновация» мамандандырылған лицей-интернатында «Табысты оқыту — озық тәжірибелер нәтижесі» атты семинар-практикум өтті. Шара барысында Гиннесс рекордтар кітабына енген математика пәні мұғалімі Муаммер Гюль өз тәжірибесімен бөлісті.
Жетісу облысы әдістемелік орталығы мен Bilimclass платформасының мамандарының ұйымдастыруымен аудандық және қалалық әдістемелік орталықтардың жауапты әдіскерлеріне «Bilimclass электрондық журналындағы жаңартулар» тақырыбында вебинар өтті.
Жетісу облысы әдістемелік орталығы мен BilimLand компаниясы мамандарының ұйымдастыруымен Ақсу, Алакөл және Ескелді аудандары мектеп директорларының оқу жұмысы жөніндегі орынбасарларына «BilimLand цифрлық ресурсын қолдану» тақырыбында вебинар өткізілді.
Мектеп директорлары мен директордың орынбасарларына «Мектепті дамыту жағдайында Team teaching ұйымдастыру» тақырыбында семинар өткізілді. Шара барысында мектеп командалары мен жоба жұмысын ұйымдастыру арқылы мектептегі өзгерістерді басқару қағидаттары, басқарушылық дағдыларды жетілдіру мәселелері талқыланды.
Талдықорған қаласында «Табысты басшы» жобасы аясында мектеп директорының оқу жұмысы, әдістемелік жұмыс жөніндегі орынбасарларына арналған белсенді топ шебер-класс алаңының аймақтық кезеңі өтті. Аталған шараға Көксу ауданы, Талдықорған және Текелі қалаларының белсенді топтары қатысып, нәтижесінде Көксу ауданы облыстық кезеңге жолдама алды
«943 – елдің нысаналы мектептерін дамыту» жобасын іске асыру шеңберінде нысаналы мектептердің ғылыми-жаратылыстану бағытындағы пәндер педагогтеріне әдістемелік қолдау көрсету мақсатында Талдықорған қаласы, С.Мұратбеков атындағы №9 орта мектебі тәжірибесінен «Жаратылыстану пәндерінің функционалдық сауаттылыққа бағытталған тапсырмаларды қолдану жолдары» тақырыбында облыстық семинар өткізілді.