Қарасай ауданы педагогтерінің озат тәжірибесін тарату мақсатында география пәні мұғалімдеріне арналған «Озат тәжірибе-озат ұстаз» тақырыбында облыстық вебинар ұйымдастырылды. Абай ауылындағы №2 орта мектептің география пәні мұғалімі А.Мырзалиева, Қарасай батыр атындағы орта мектептің география пәні мұғалімі А.Утебаев, Жармұхамбет ауылындағы орта мектептің география пәні мұғалімі Ж.Садибекова шебер-сынып көрсетті. Вебинарға қатысушылар спикерлерге кері байланыс беріп, өз алғыстарын да білдірді.
