Облыстық білім беруді дамыту оқу-әдістемелік орталығы жекеменшік балабақша педагогтеріне тәрбие мен оқыту процесін ұйымдастыруда әдістемелік қолдау көрсету мақсатында Талғар ауданы «Еркем-ай» балабақшасы базасында «Biliminvest» білім беру инвесторлардың ұлттық қауымдастығы» жеке кәсіпкерлердің және заңды тұлғалардың бірлестік мүшелеріне арналған оқыту семинарын өткізді. Іс-шара барысында орталық әдіскері Р.Тумаева мектепке дейінгі ұйымдарында және мектепалды даярлық сыныптарында 2021-2022 оқу жылында тәрбиелеу-білім беру процесін ұйымдастыру бойынша түсіндірме жұмысын жүргізіп, оқу қызметіне талдау, кері байланыс беру, айлық перспективалық жоспар мен апталық циклограмма құрудың тиімді жолдары көрсетті.
