ШЖМ білім сапасын арттыруда ресурстық орталықтар жұмысын ұйымдастырудың тиімді жолдарын ұсыну, тәжірибе алмасу мақсатында «Ресурстық орталық — ШЖМ білім сапасын арттыру кепілі» тақырыбында облыстық вебинар өтті. Вебинар барысында облыстық оқу-әдістемелік орталығының бөлім басшысы Ж.Дихамбаева ШЖМ, ресурстық орталықтардың шығармашылық қызметін ұйымдастыру бойынша таныстырылым жасады. Павлодар облысы Баянауыл ауданы білім бөлімінің әдіскері Д.Аюпов пен Ш.Шөкин атындағы №2 ЖОМ директордың ресурстық орталық жұмысы бойынша орынбасары А.Ыдырысов «Ресурстық орталық жұмысының тиімділігі» тақырыбында өз өңірлеріндегі іс-тәжірибелерімен бөлісті. Балқаш ауданы Ақкөл орта мектебі директоры К.Сарсенбаева ШЖМ оқыту процесінің сапасын арттыруда ресурстық орталықтың басымдықтарына тоқталып өтті.
