2021 жылғы 14-19 қазан аралығында жастардың қаржылық — экономикалық сауаттылығын арттыру, кәсіпкерлікпен айналысу және тәжірибе алмасу мақсатында «Жас мамандардың әлеуетін көтеру: гранттар мен жобалар» тақырыбында облыстық іс-тәжірибе алмасу вебинарлары өтті. Вебинардың бірінші күнінде Алматы облысының «Атамекен» кәсіпкерлік палатасының адами капиталды дамыту бөлімінің басшысы А.Онгарбаева «Атамекен» Ұлттық кәсіпкерлер палатасының өңірлік әлеуетін көтерудегі гранттармен, жобалармен таныстырды. Екінші күні жеке кәсіпкер, BAZILIK, TANDOOR ресторандарының құрылтайшысы Д.Талипов қызмет көрсету бизнесін бастау әдістерімен, «Асар» спорттық- оңалту орталығының құрылтайшысы, қоғам қайраткері Е.Баялышбаев болашақ медициналық және фармацевтикалық мамандығының әлеуетін қолдау, «Дана» жекеменшік мектеп директоры Р.Төлегенова балабақша-мектеп ашудағы тәжірибелерімен бөлісті. Тізбектелген шараның соңғы күнінде Талдықорған жоғары медициналық колледжі директордың тәрбие ісі жөніндегі меңгерушісі Д.Асқанбаев шағын грант жобалары туралы, Жамбыл ауданы, Мәтібұлақ орта мектебінің ағылшын тілі пән мұғалімі, «Қазақстан мұғалімі 2021» Ұлттық сыйлығының шағын грант иегері Динара Айтех, Талдықорған жоғары политехникалық колледжінің сурдо-аудармашысы А.Окбаева жетістікке жету жолындағы тәжірибелерін ортаға салды.
