«Білім беру сапасын арттыру және тиімді жұмыс істеудің режимі» жобасы аясында әл-Фараби атындағы ДБАГ-ға тіркелген Қарасай ауданы, Қарасай батыр атындағы орта мектебі «Мектептегі сапалы білім мен саналы тәрбиедегі озық идея — табысты нәтиже беретін шығармашылық жұмыс жемісі» тақырыбында облыстық семинар ұйымдастырды. Аталған шарада «Оқуға құштар мектеп» жобасы аясында «Оқимыз зерттейміз» айдары, «Музей сабақтары» жобасы, «Өлкетану» үйірмесін ұйымдастыру тәжірибесі, «Үшқоңыр» балалар мен жасөспірімдер спорт мектебімен бірлескен жұмыстар мен ашық сабақтар өткізіп, тәжірибелерімен бөлісті. Семинарға Райымбек ауданы А.Барманбекұлы атындағы мектеп-гимназиясы, Б.Соқпақбаев атындағы орта мектебі, Т.Жанұзақов атындағы орта мектебі және Қарасай ауданы Б.Қосынов атындағы мектеп басшылары, пән мұғалімдері, логопед, әлеуметтік педагогтер мен педагог-психологтар қатысты.
