Облыстық білім басқармасының ұйымдастыруымен ағымдағы жылдың 8 қарашасында Панфилов ауданы Ы.Алтынсарин атындағы орта мектеп базасында заманауи педагогикалық тәсілдер мен білім беру тәжірибесі негізінде кәсіби қолдау көрсету, озық педагогикалық идеялар мен тәжірибелерді анықтау және тарату мақсатында мектеп басшыларына «Заманауи мектепті басқару: көзделген нәтижелер мен іске асыру тетіктері» тақырыбында республикалық форумы өтті.
Форумның пленарлық жұмысына Қазақстан Республикасы Оқу-ағарту министрлігі Білім саласында сапаны қамтамасыз ету комитеті төрағасының орынбасары М.Мелдебекова, Ы.Алтынсарин атындағы Ұлттық білім академиясының аға ғылыми қызметкері А.Кадирова, «Ахмет Байтұрсынұлы атындағы «Талдау» ұлттық зерттеулер және білімді бағалау орталығы» ұлттық үйлестірушісі Р.Сыздыкбаева, «ӨРКЕН» БӘАҰҒПИ» КеАҚ ғылыми-әдістемелік бөлім басшысы, педагогика ғылымдарының кандидаты Г.Омарова, «ӨРКЕН» балалардың әл-ауқатын арттыру ұлттық ғылыми-практикалық институты» КеАҚ, ғылыми-әдістемелік бөлімнің аға ғылымии қызметкері Е.Шайланов және республика өңірлерінен 300-ге жуық мектеп басшылары қатысты.Пленарлық мәжілісте мектепті дамыту және басқару стратегиялары, білім сапасы мен тәрбие жұмысы талқыланды.Форум жұмысы 8 бағыттағы тәжірибе бөлісу алаңдарымен жалғасты. Алаң жұмысында Алматы, Абай, Атырау, Батыс Қазақстан, Жамбыл, ШҚО, Солтүстік Қазақстан, Түркістан және Ұлытау облыстарының мектеп басшылары заманауи мектепті басқарудағы табысты менеджмент құралдары бойынша өз тәжірибелерімен бөлісіп, пікір алмасты.